Во првите полуфинални натпревари од Конференциската лига до предност дојде само холандски Феенорд .
Тимот од Ротердам оствари предност против Олимпик од Марсеј со резултат 3:2 (2:2), додека Лестер и Рома ремизираа 1:1 (0:1).
Многу поголем спектакл видовме на стадионот „Де Кујп“, каде голеадата ја најавија двете големи промашувања напаѓачот на францускиот тим Диенг.
Десерс тоа го казни со гол во 18. минута, а само две минути подоцна Синистера погоди за експресни 2-0 во корист на домашните.
Сепак, само седум минути подоцна Диенг погоди од многу потешка позиција за 2:1, а во 40. минута Герсон целосно ја неутрализира предноста на Феенорд.
Сепак, хрватскиот стопер Дује Чалета-Цар се потруди да му донесе предност на Феенорд и тоа само неколку секунди откако Олимпик стартуваше од центарот во вториот дел.
Топката му беше вратена од центарот, прекратко додаде до голманот и Десерс ја пресече за ерупција во Ротердам.
Иако имаше уште цело полувреме до крајот, се покажа дека нема повеќе голови до крајот, па Феенорд ќе има минимална залиха на „Велодром“.
Кога е во прашање дуелот помеѓу Лестер и Рома, домашните од првата минута се упатија кон голот на Руи Патрисио, но „волчицата“ прва дојде до предност, веќе во 15. минута.
Лоренцо Пелегрини одлично истрча зад „лисиците“ и му ја протна топката низ нозете на Каспер Шмајхел. Капитенот на Рома беше поуспешен во таа ситуација од капитенот на Лестер.
Домашните продолжија „крваво“ да работат за израмнување, имаа поголем посед на топката и многу повеќе удари кон голот на ривалот.
Сепак, Рома добро се бранеше, но кон средината на вториот дел почна премногу да се вовлекува во просторот на својот голман, а тоа и се одмазди.
Се играше 67. минута кога Барнс се проби по левата страна и го пронајде Адемола Лукман пред голот кој погоди, иако од некои агли се чини дека можеби Манчини ја уфрли топката во сопствената мрежа.
Во секој случај Лестер сосема заслужено израмни, во продолжение имаше уште неколку опасни акции, но не дојде до пресврт, па реваншот во Рим ќе биде во полн ек за седум дена.
