Фудбалерите на Ајнтрахт и Лајпциг остварија победи во првите натпревари од полуфиналето на Лига Европа.

Тимот од Франкфурт беше подобар од Вест Хем со резултат 1:2 пред реваншот во Германија.

Гостите имаа предност по само 50 секунди игра. Долго време Камада непречено ја влечеше топката и го проигра Боре, кој центрираше и го пронајде Кнауф за неговиот втор гол на пет натпревари во Лига Европа.

Не дозволија да паднат „чеканите“ и веднаш почнаа да напаѓаат. Десет минути подоцна Боуен ја погоди стативата, а Антонио израмни во 21. минута. Лансини направи продор од средината и го пронајде Курт Зума кој ја спушти топката назад. На крајот Антонио некако ја истурка преку линијата за израмнување.

Сепак, до крајот на полувремето не видовме ништо повеќе од Вест Хем. Ајнтрахт доминираше, но не ги реализираше можностите

По враќањето од паузата, германскиот претставник продолжи таму каде што застана и поведе преку Камада.

Најпрво Соу и Лундстрам одиграа одлично двојно додавање, но швајцарскиот играч за врска не успеа да го совлада Ареола од непосредна близина. По одбраната, топката се одби до јапонскиот репрезентативец за кого ова е петти гол оваа сезона во Лига Европа.

Набргу потоа Камада ја погоди стативата и со тоа не успеа да стави точка на овој меч.

Свои шанси имаше и Вест Хем, а Бенрахма беше пред израмнување. Алжирецот ја погоди стативата од далечина, но тоа не е ништо во споредба со пречката што Боуен ја погоди пред самиот крај на мечот со популарните „ножички“.

„Чеканите“ сега треба да се надеваат на пресврт во Франкфурт, а реваншот е закажан за 5 мај.

Во вториот меч од вечерта Лајпциг со минимален резултат беше подобар од Ренџерс. Тоа беше сосема заслужена победа на уште еден германски претставник пред реваншот во Шкотска, на кој сигурно нема да има лесен натпревар.

Имаше многу можности за Лајпциг, но Мек Грегор секогаш ае испречуваше пред Нкунку.

На крајот чекавме до 85. минута да го видиме голот, но вредеше со оглед на тоа што волејот на Анхелино беше потегот на вечерта во Лига Европа.