Реал Мадрид со сензационален пресврт го совлада Манчестер Сити со 3:1 и се пласираше во финалето на Лигата на шампионите. Кралевите губеа со 1:0 до 90. минута од натпреварот.
Во тоа време покрај стадионот „Сантијаго Бернабеу“ се случуваа неверојатни сцени. Навивачите на Реал кои го напуштија стадионот пред крајот на регуларниот дел славеа како луди и се обидоа да се вратат на стадионот.
Но, тоа не им беше дозволено. Обезбедувањето не им дозволило повторно да влезат на стадионот, па морале да го следат натпреварот на мобилните телефони пред стадионот.
