Герет Бејл е еден од најомразените фудбалери во Реал Мадрид, а навивачите чекаат и најмала причина за да почнат да го критикуваат, но тренерот на клубот, Карло Анчелоти објасни што се случува со репрезентативецот на Велс.

Бејл не се појави на прославата на титулата во Ла Лига, а го немаше ниту на трибините за мечот против Манчестер сити поради повреда на грбот, а тоа ги налути навивачите кои сметаат дека фудбалерот не ја зборува вистината.

Анчелоти на прес-конференција пред мечот против Атлетико Мадрид зборуваше за ситуацијата на Бејл и откри загрижувачки вести.

„Бејл е посветен на клубот, но во последниот период го немаше затоа што не можеше да се движи. Нешто слично и мене ми се случи во минатото“, кажа Италијанецот.