Шпанскиот тенисер Рафаел Надал е елиминиран од Мастерсот во Рим, бидејќи во осминафиналето подобар од него беше Денис Шаповалов.
Канаѓанецот успеа да му се реваншира на Надал за поразот на Австралија Опен – 1: 6, 7: 5, 6: 2.
Шаповалов така израмни на 4-4 во меѓусебните дуели.
Надал, десеткратниот освојувач на турнирот во вечниот град, нема да има можност да го одбрани трофејот освоен лани, кога во финалето го совлада Новак Ѓоковиќ.
Противник на Денис во борбата за полуфинале, можеби и дуел со Ѓоковиќ, ќе биде Каспер Руд.
Дуелот со кој беше затворена програмата на Централниот терен, го започна одлично Надал кој со два брзи брејка поведе со 1-0 во сетови.
Вториот сет беше проблематичен. Надал имаше брејк зад себе, се врати, но во 12. гем, оној пред тај-брејкот, повторно потклекна.
Играчите си разменија брејкови на стартот од решавачкиот сет, за Шаповалов да го направи клучниот во шестиот гем.
Од тој момент Надал почна да покажува дека има големи проблеми од физичка природа, едвај се движеше, а на некои топки не ни стартуваше.
На агонијата набрзо и дојде крајот, па Шаповалов оствари голем триумф и по повеќе од два и пол часа тенис се пласираше во четвртфиналето.
