Големиот вардаров талент Бесир Гуџуфи од кого Вардар не заработи ништо поради хаосот лани во најтрофејниот клуб, на почетокот на идниот месец ќе биде промовиран како член на сениорскиот тим на Бешикташ и ќе го потпише петгодишниот професионален договор со еден од истанбулските великани.

Гуџуфи лани преку Академија Пандев потпиша со Бешикташ и младинскиот погон на овој турски великан, но поради тоа што е малолетен и на 29 мај годинава ќе наполни 18 години, сега ќе го потпише професионалниот договор од пет години и ќе биде дел од првиот тим. Гуџуфи е еден од најголемите македонски таленти, заедно со Дашмир Елези (Шкендија), а тој ја мина целата вардарова школа пред да замине во зимата лани од црвено-црните после хаосот во клубот и по шест месеци во Струмица направи трансфер во Истанбул.

„Бешикташ го има Гуџуфи, тој на 29 мај ќе наполни 18 години и петгодишниот договор ќе биде објавен во првата недела од јуни“, објави турскиот новинар Мурат Озен, инаку член и на Собранието на црно-белите.

Турски Фенербахче заработи куп милиони од Елиф Елмас, кого во 2017 година за трансфер-компензација го зема од Работнички, па две години подоцна инкасира 16 милиони евра плус бонуси од македонскиот „дијамант“ продавајќи го во италијански Наполи.