Стоперот на Ливерпул, Вирџил ван Дајк е еден од најдобрите стопери во светот. Холанѓанецот за време на престојот на „Енфилд“ смени неколку партнери во одбраната, играше со Ловрен, Гомез, Матип и Конате, а од секој од нив успеа да го извлече најдоброто.

Можеби е време за нов, за Ван Дајк омилениот соиграч од холандската репрезентација. Според италијанските медиуми, Ливерпул е заинтересиран за стоперот на Јувентус, Матијас де Лихт.

„Старата дама“ неодамна се прости од долгогодишниот одбранбен лидер на тимот, Џорџ Киелини, кој најверојатно ќе ја заврши кариерата или ќе се пресели во американската МЛС лига. Токму затоа, челниците на клубот од Торино се обидуваат се да го продолжат договорот со младиот Матијас де Лихт, за кој се предвидува дека ќе биде предводник на одбраната во наредната деценија, но преговорите со него не одат баш најдобро.

Наводно, 22-годишниот фудбалер се уште се двоуми дали да го продолжи договорот кој истекува во 2024 година, а дури и да го стори тоа, можноста во одреден момент да го напушти „Алијанс стадионот“ и да се пресели на „Енфилд“ со соиграчот Вирџил Ван Дајк не е исклучена.

Освен Ливерпул, за одличниот стопер Јуве е заинтересиран и Челзи, но приоритет на „Сините“ во овој момент е Жил Кунде од Севиља, додека „Црвените“ би можеле да тргнат по стоперот на Торино Бремер.