Не изгледаше дека избраниците на Гвардиола ќе имаат проблеми кога Халанд ја погоди мрежата на гостите по само пет минути игра, но тој гол се покажа и како единствен на натпреварот.
Имаше Саутемптон добри прилики за израмнување, а најголемата ја пропушти Арчер кој по една контра ја погоди пречката од голот на Едерсон.
По овој триумф Манчестер Сити барем до утре и дербито помеѓу Арсенал и Ливерпул ќе остане лидер на табелата.
Најефикасниот натпревар денеска во Премиер лигата го одиграа Брентфорд и Ипсвич во кој на крајот славеа домаќините со 4-3.
Ипсвич по половина час водеше со 0-2. Стрелци беа Смодик и Хирст, додека Брентфод во завршницата од првиот дел постигна два гола во две минути преку Виса и Кларк за 2-2. На стартот од вториот дел Мбуемо погоди за целосен пресврт, а Делап погоди за 3-3. Победата за Брентфорд длабоко во судиското продолжение ја обезбеди Мбуемо со својот втор гол на натпреварот. Гостите од 69. минута играа и со играч помалку бидејќи исклучен беше Кларк.
На останатите натпревари Астон Вила и Бормут одиграа 1-1, немаше победник и на дуелот Брајтон – Вулвс кој заврши 2-2.
