Рома дојде до својот прв европски трофеј, прв после 61 година и Купот на Саемските градови, па „вечниот град“ синоќа експлодира од радост. На „Олимпико“ преку 50 илјади гледачи го гледаа својот миленик и навиваа, иако далеку од италијанската престолнина, „волчицата“ предводена од Жозе Мурињо играше и се бореше за првиот трофеј во Конференцуската лига.

Победи Рома со голот на големиот талент Николо Ѕаниоло, пред очите на својата најголема клупска легенда Франческо Тоти кој беше на трибините во Тирана, а во „вечниот град“ после последниот судиски свиреж – еруптираше вулканот.

Експлозија од емоции, радост и како обично, втрчување на тифозите на теренот. Вака Рома не славела уште од „скудетото“ во 2001 година со генерацијата на Тоти, Батистута, Монтела..