Македонскиот репрезентативец Енис Барди во отсуство на Стефан Ристовски ќе биде капитен на Македонија, утре против Бугарија во Разград (18 часот) и во овие четири меча што црвено-жолтите ќе ги одиграат во следните десет дена во новата сезона од Лигата на нациите.

Барди дебитираше како капитен во минатиот историски мундијалски циклус против Ерменија во Ереван кога Македонија победи со 5-0, а тој се запиша во историјата на македонската репрезентација со хет-трикот, како прв после две децении кој дал три гола во Мундијалски квалификациски меч.

„Чест и задоволство е довербата да бидам капитен, да јас ќе ја носам, ама јас постојано потенцирам дека сите во тимот сме капитени и еднакво придонесуваме за успесите на оваа решрезентација. Последен пат кога бев капитен во Ерменија победивме со 5-0 и дадов хет-трик, па сега видете…“, рече Барди денеска во пресрет на мечот.

Фудбалерот за врска посочи дека очекува овој меч со Бугарија, а и следните во овој нов циклус да бидат и потешки од мундијалските баражи во март, кога направивме чудо против Италија во Палермо, но во завршниот меч за визата за СП загубивме од Португалија.

„Имаме искуство, знаеме да играме и кога противникот е фаворит, сега сме спремни да играме паметно и кога ние сме фаворити, но да не се залетуваме. Имаме победнички менталитет, но овие мечеви се потешки од претходните во баражот. Важно е добро да стартуваме и мислам дека псигхички и физички сме подготвени за предизвикот