Гибралтар, следниот противник на Македонија во недела во оваа трета сезона во Лигата на нациите, својот историски прв настап во погорната дивизија од „друштвото на пациентите“ ја отвори со убедлив пораз со 0-4 против Грузија во Тбилиси вчера попладне, па селекторот Хулио Рибас најави дека ќе ја смени тактиката за пресметката со црвено-жолтите.

Гибралтар за пола час го загуби мечот со Грузијците по блесокот на првата ѕвезда Квича Кваратшкелија, а потоа дури во завршните две минути од мечот прими два гола за убедливите 0-4 на крајот. И Рибас посочи дека Гибралтар и не одиграл така лошо, па сета концентрација сега му е за мечот со Македонија.

„Излезе интересен меч со Грузијците, тие одиграа одлично и бидејќи и претходно имаме играно со нив, знаев дека ќе биде тешко. Без оглед што загубивме и не сум задоволен со резултатот, задоволен сум како одигравме еден интересен меч, зашто не бевме до толку лоши. Дури и подобро изгледавме во вториот дел. Македонија ни е следен противник и сега само за тој меч сум фокусиран. Знам колку Македонија е силна, но многу поразлична од Грузија. За Македонија ќе мора да се подготвиме за еден поинаков меч, како тактички, така и физички. Македонија игра поинаку, многу поконстантно“, рече Рибас.