Фудбалските ѕвезди, особено оние кои настапуваа за репрезентациите, сега уживаат во заслужениот одмор по долгата сезона. Дел од играчите одат на егзотични дестинации и преубави плажи, но има и такви кои се решаваат за поинакви авантури.
Откако пред неколку дена се појави видео како Садио Мане игра фудбал со стари пријатели во родното место, на слично нешто се одлучи и холандско репрезентативно дуо. Мемфис Депај и Квинси Промес се во посета на Гана, а се појави видео на кое се гледа како уживаат и се забавуваат на земјен терен.
