Јован Стојоски,  еден од најдобрите македонски атлетичари во моментов, не избори пласман во финале во трката на 400 метри на Медитеранските игри во алжирскиот град Оран, откако заврши на 12. место во конкуренција на 17 атлетичари.

Тој настапи во првата квалификациска група, во која го освои четвртото место со време од 47,07 секунди, што е полошо време од неговиот најдобар резултат за 26 стотинки. Воедно, денешната трка му беше за осум стотинки побавна од најдобото остварување во 2022 година.

Претходно, незабележителен настап имаше и пливачот Андреј Стојановски во квалификациите на 200 метри градно. Тој патеката ја исплива за 2:22,42 минути, што е нов младински рекорд на Македонија, но далеку од потребно време за место во финалето.