Македонскиот репрезентативец Енис Барди поради повреда ќе ги пропушти натпреварите против Лихтенштајн на 8 октомври и со Германија три дена подоцна од квалификациите за Светското првенство (СП).

Барди сѐ уште не се рехабилитираше од повредата на задниот бутен мускул, која ја заработи на последниот меч против Романија, а селекторот на Македонија, Благоја Милевски нема да повика замена за фудбалерот на Леванте.

Македонската репрезентација синоќа го имаше првиот собир во хотелот „Хилтон“, а првиот тренинг на фудблаерите е закажан денеска од 16 часот во тренинг-центарот „Петар Милошевски“.