Италијански Наполи, чиј член е македонскиот репрезентативец Елиф Елмас се договорил за лични услови и петгодишна соработка со Џакомо Распадори, италијанскиот репрезентативец од Сасуоло, но допрва наполитанците ќе треба да го убедат ривалот да им го продаде за пристојна цена.

Еден од најпознатите новинари во Италија, Николо Шира објави дека со Распадори сѐ е договорено околу личните услови, годишна плата од 2,5 милиони евра, договор до 2027 година. И на Сасуоло му се понудени 25 милиони евра за откуп.

Но, сега Сасуоло е тој што решава за трансферот и дали сумата што ја добиле како понуда од Наполи е прифатлива, иако од поодамна имаше најави дека без најмалку 30 милиони евра нема да дозволат трансфер на својот репрезентативец.