Кадетската женска репрезентација на Македонија ја обезбеди и третата победа во групната фаза на СП во Скопје. Вечерва во СЦ „Борис Трајковски“ нашите надежи славеа со убедливи 31:19 против селекцијата на Иран и го потврдија првото место во групата.

Првото полувреме го одигравме малку во грч, па им дозволивме на Иранките да останат во егал скоро до крајот на полувремето. На одмор заминавме со плус 3 голови (11:8), а веќе во второто полувреме до израз дојде нашиот вистински квалитет.

Предводени од триото Дускоска, Ризоска, Младеновска, на кој им се приклучи и Јанкуловска, нашата репрезентација константно ја зголемуваше предноста и на крајот дојде до нов убедлив триумф.

Најефикасна во нашиот состав со 6 гола беше Дускоска, додека Младеновска, Ризовска, Јанкуловска и Коцева завршија со по 4 гола.