Не успеа обидот на Енис Барди да направи трансфер од Леванте во редовите на турскиот првак Трабзонспор за да заигра во Лигата на шампионите. Неговиот нов тим вечерва доживеа елиминација од Копенхаген во плеј-оф колото пред групната фаза, откако пред својата публика одигра само 0-0, оставајќи ја недопрена негативата од Данска.

Резултатот од пред една недела, 1-0 за Копенхаген остана да важи, откако Данците во Трабзон успеаја да ги одржат почетните 0-0. И покрај теренската доминација на Трабзонспор и покрај неколкуте сериозни шанси на Џанини (7. минута), на Корнелиус (68. минута) и на Бакасетас (85. минута), мрежата на Копенхаген остана недопрена.

Барди беше стартер и како „десетка“ ги одигра сите 90 минути, сепак не успеа да му помогна на својот тим вторпат по 2011/12 да се пласира во групите од европската елита. Наместо тоа, ќе продолжи во групната фаза од Лига Европа, исто како и ПСВ, кој вечерва беше шокиран на свој терен од Ренџерс со 0-1. Решавачкиот гол го постигна Хрватот Анте Чолак во 60. минута и ги прати во заборав оние 2-2 од првиот круг, од Глазгов.