Англискиот премиерлигаш Њукасл тргнува по напаѓачот на Реал Сосиедад, Александер Исак. Раководството на клубот е подготвено да плати 70 милиони евра за да го доведе како големо засилување за претстојната сезона во Премиер – лигата.
Шведскиот напаѓач беше цел и на Реал Мадрид, но трансферот сепак не се реализира, а Њукасл нема проблеми со финансиите и сака значително да се засили пред крајот на летниот преоден рок.
Александер Исак ја почна кариерата во АИК Стокхолм, беше дел и од германскиот бундеслигаш Борусија Дортмунд, а сега е еден од адутите на Реал Сосиедад.
