Кошаркарите на Белгија ја победија Шпанија со резултат 83:73 во 3.коло на Европското првенство.
Белгија, која неодамна ја совлада Србија во Белград во квалификациите за Светското првенство, и го нанесе првиот пораз на „црвената фурија“ на Евробаскетот.
Таа репрезентација ја забележа втората победа и се израмни на табелата во групата А со Шпанија и Црна Гора, а можноста да го преземе лидерското место на табелата сега ја има Турција која од 19 часот игра со Грузија.
Првата четвртина не беше убава за гледање и беа постигнати само 26 поени.
Белгијците имаа и пет поени предност, но Шпанија имаше подготвен одговор во вториот дел.
Избраниците на Серџо Скариоло лесно стигнаа до +9, но потоа повторно паднаа, па на полувремето беше целосно изедначено (33:32).
Вистинска резултатска клацкалка беше забележана во преостанатиот дел од натпреварот и двата тима неколку пати имаа предност, но не повеќе од пет разлика.
Белгија направи клучна серија по влегувањето во последните неколку минути, кога со серија од 7:0 стигна до +5 на две минути до крајот.
Во тој момент многумина очекуваа будење од Шпанците, актуелните светски шампиони, кои на ЕП играат со подмладен, десеткуван состав.
Сепак, тоа не се случи.
Забивањето на Били Ернангомез на 3:37 до крајот на натпреварот беа последните поени на Шпанците.
Најдобар кај победниците беше Емануел Лекомт со 20 поени, пет скока и четири асистенции.
Пјер-Антоан Жил додаде 14 со пет скока и две украдени топки, а Ретин Обасохан имаше 11. Исмаел Бако за малку не оствари дабл-дабл со десет поени и девет украдени топки.
На другата страна најдобар беше Били Ернангомез со 18 поени (8/12) и четири скока.
Двоцифрени беа само уште и Хуанчо Ернангомез и Лоренцо Браун со по 11 поени. Поранешниот плејмејкер на Црвена звезда забележа и осум асистенции.
Во четвртото коло, Шпанија игра со Црна Гора на 6 септември, додека Белгија истиот ден се среќава со Турција.
