Тимот на Рома иако важеше за фаворит претрпе пораз од Лудогорец од 2-1 на вечерашното гостување во Бугарија во рамките на првото коло во Лига Европа.

Калчолигашот пред неколку дена доживеа потоа од Удинезе на Илија Несторовски и се очекуваше во Разград да одговори, покаже дека тоа било само лош ден, но „волчицата“ доживеа уште еден неуспех за кратко време.

Меѓутоа Жозе Мурињо не е загрижен и смета дека неговиот тим ќе има доста време да одговори во групната фаза на ЛЕ.

-Не сакам да кажам дека одигравме фантастичен натпревар, бидејќи тоа не е вистина, но се чинеше дека е доволно добар за да избегнеме пораз. Имавме можности за гол. Потоа по нивниот гол, последните 15 минути станаа тешки. Беше силна реакција, стигнавме до израмнување, а потоа тие повторно постигнаа гол. Изгледа како сè да оди наопаку во моментов.

-За среќа, ова е групна фаза, а не нокаут фаза, имаме уште пет натпревари по ова за опоравување. Победата на првата средба секогаш ве става во добра позиција, но наместо тоа сега има притисок. Следната недела апсолутно треба да ги освоиме три бода на домашен терен, -порача Мурињо.

Рома за неколку дена игра со Емполи по што следи дуел со ХЈК Хелсинки.