Чави Ернандез во следниот период дефинитивно размислува за подмладување на неговиот тим и за таа намера, ќе направи одредени непопуларни потези.
Следуваат големи промени во Барселона, барем такво нешто најавуваат извори блиску до Барселона и Ернандез.
Барселона сезонава и покрај финансиските проблеми, се засили квалитетно ова лето, а во следниот период ќе следува комплетно подмладување на екипата, со која Ернандез ќе се обиде да се врати на тронот во Шпанија идниот период.
Според првичните информации, место во Барселона ќе нема веќе за Жерар Пике, Жорди Алба и Серхио Бускетс. Сите овие тројца споменати не беа дел од првиот тим на мечот против Елче, а капитенската лента ја носеше Марк Андре Тер Штеген.
Според Мундо Депортиво, Чави веќе им соопштил на овие тројца фудбалери дека сезонава ќе добиваат мала минутажа и дека наскоро ќе мора да го напуштат клубот, затоа што ќе следи одредено реновирање на составот.
