На натпреварот меѓу Бока јуниорс и Велес Сарсфилд во аргентинското првенство синоќа имаше хармонија 89 минути и лудило во само една.

Дојде до остар дуел меѓу Ортега од редовите на Велес и Адвинкул од Бока. Домаќинот беше со топката, кога Ортега без пардон „го собра“ одзади. Тоа предизвика бес не само кај фаулираниот, туку и кај неговите соиграчи, па се вмешаа и други кавгаџии од двата табора, па едвај успеаја да се разделат.

Судијата Лустау во рок од неколку секунди додели црвени картони, прво за Ортега за стартот и по еден за Васкес од Бока и Гомес од Велес.