Во таборот на Голден Стејт, шампионот во НБА-лигата во средата зовреа страстите поради тепачката на Дрејмонд Грин и Џордан Пул. 

Денеска медиумот кој се занимава со жолт печат и скандали, „ТМЗ“ објави и видео од тренингот на Вориорс и моментот кога Грин всушност го напаѓа својот соиграч. Еден од најдобрите дефанзивци во лигата, прво се втурна во лицете на Пул, кој го оттурна, а Грин врати со брутална тупаница. Пул веднаш се најде на подот, а интервенираа соиграчите.

Челниците на Голден Стејт го разгледуваат случајот и Грин веројатно ќе биде казнет парично за ваквото насилничко однесување.