Италијанскиот првак Милан го совлада Јувентус со 2-0 во дербито на деветтото коло во Серија А. Иако тимот на Стефано Пиоли се соочи со многу повреди и отсуства, сепак, одигра квалитетно и ја победи „старата дама“.
Рафаел Леао двапати ја погоди рамката од голот на Шчешни, а Фикајо Томори се снајде како врвен голгетер во шеснаесетникот на гостите по 45.минута и донесе предност за Милан.
Во второто полувреме, Брахим Дијаз зголеми на 2-0 во 54.минута и тоа беше дефинитивен нокаут за Јувентус.
Милан сега има 20 бода, исто колку и Наполи и Аталанта кои имаат еден меч помалку.
