Давид Шумахер, внукот на седумкратниот светски првак Михаел Шумахер, заработи сериозна повреда во несреќата на автомобилистичката трка во Хокенхајм.

Младиот возач изгуби контрола врз автомобилот и излета од патеката, по што удри во заштитниот ѕид и во прв момент не делувало дека е повреден, но медицинските прегледи покажале дека станува збор за сериозна повреда.

„Кога Давид се врати дома, почна да се жали на болки во грбот. Бевме во болница за да направиме снимка и забележавме дека му е скршен пршлен, па тоа значи дека ќе паузира најмалку шест недели“, кажа неговиот татко и поранешен возач Ралф Шумахер.