Македонската ракометна кадетска репрезентација загуби на вториот пријателски меч против Црна Гора во Бар со 29-30, откако во првиот дуел славеше со 32-30.

Селекторот Раде Стојановиќ имаше можност да го тестира квалитетот на неговите ракометари, а најдобар стрелец во втората средба против Црна Гора беше Димитар Узунчев кој постигна осум голови, додека добар настап имаше и Валентин Карасманакис со пет погодоци.

Кадетите во август постигнаа голем успех, откако успеаа да го освојат златниот медал на ЕХФ-шампионатот.