Јувентус запиша многу важна победа, минимално од 1-0 во градското дерби против Торино во 10. коло од италијанската Серија А. Натпреварот го реши српскиот голгетер Душан Влаховиќ.

Натпреварот беше израмнет и имаше голем број шанси на двете страни, но мрежите мируваа до 75. минута кога Јувентус изведе корнер, по кој на вистинско место се најде Влаховиќ и ја затресе мрежата на градскиот ривал.

„Старата дама“ со новата победа се искачи на седмата позиција и има 16 бодови, односно седум помалку од лидерот Наполи, додека Торино е на 11. место со 11 бода.