Актуелниот германски шампион Баерн Минхен немаше милост за денешниот ривал Фрајбург, па го прегази со убедливи 5-0 во 10. коло од Бундеслигата.

Гнабри ја отвори голеадата на баварскиот гигант во 13. минута, по што Чупо-Мотинг до крајот на првото полувреме погоди за 2-0.

Уште три гола во мрежата на Фрајбург паднаа во второто полувреме, а овој пат прецизни беа Сане, Мане и Сабицер за конечни 5-0.

Баерн е втор со 19 бодови, односно еден повеќе од Фрајбург и четири помалку од лидерот Унион Берлин.