Тинејџерското дуо од шпанска Барселона, Педри и Гави, кои стартуваат денеска против Костарика на отворањето на СП за Шпанија, испишаа историја за „црвената фурија“ и за европските селекции на Мундијалите.
Двоецот тинејџери со самото тоа што стартуваат на мечот испишаа историја зашто Шпанија стана првата европска селекција која на меч од СП има двајца тинејџери во стартниот состав, а овие двајца во последните две години беа прогласени за најдобри светски млади фудбалери.
Последен пат кога двајца тинејџери играле на меч за европска селекција на СП, била Бугарија во 1962 година кога играле младите Јачев и Соколов.
Истовремено, Гави стана најмлад шпански дебитант на едно СП, откако лани стана најмладиот фудбалер во историјата на екс-европскиот и екс- светскиот првак со само 17 години. Гави станува најмлад дебитант за Шпанија на СП со 18 години и 110 дена.
Најмлад фудбалер кој играл на СП за Германија попладнево стана и Јусуфа Мукоко, фудбалерот од Борусија Дортмунд со 18 години и три дена.
