Делонте Вест е повторно уапсен . Поранешниот НБА кошаркар Делонте Вест (38) имаше многу тежок период во животот по завршувањето на играчката кариера.
Вест ги загуби сите пари што ги заработи како професионален кошаркар, а во јануари минатата година беше пронајден на улиците во Далас како проси.
Неговата зависност од дрога и алкохол целосно го уништи, а потоа на помош му дојде сопственикот на Далас Маверикс, Марк Кјубан.
Го тргна од улиците, плати за рехабилитација во Флорида, а 38-годишниот Вест беше на добар пат кон опоравување.
Меѓутоа, Делонте се врати на своите стари навики и синоќа беше уапсен поради пиење во градот Боинтон Бич на Флорида.
Вест пијан викал на улица и тропнал на вратата од куќата што била во близина. Полицијата реагираше, а Вест продолжил да вика и по нивното пристигнување.
Имал отворена лименка пиво во раката, и отворено шише вотка и одбил да запре кога полицаецот го побара тоа.
На крајот бил уапсен. Вест бил видно пијан, зборувал неразумно и очигледно се враќа на своите стари навики.
Тој е обвинет за противење при апсење, пијанство на јавно место и можно е да помине извесно време зад решетки.
Делонте Вест играше во НБА од 2004 до 2012 година, а играше за Селтикс, Суперсоникс, Кавалирс и Маверикс.
Играше кратко во Кина и ја заврши кариерата со тимот на Тексас Легендс во НБДЛ во 2015 година.
https://twitter.com/CallTcooks/status/1308507946175864832?ref_src=twsrc%5Etfw%7Ctwcamp%5Etweetembed%7Ctwterm%5E1308507946175864832%7Ctwgr%5E%7Ctwcon%5Es1_c10&ref_url=https%3A%2F%2Fpublish.twitter.com%2F%3Fquery%3Dhttps3A2F2Ftwitter.com2FCallTcooks2Fstatus2F1308507946175864832widget%3DTweet
