Јапонија стигна до осминафинале и тоа на чудесен начин со два пресврти и тоа против два европски великани – Шпанија и Германија. Идентично ги победи со 2-1 за прво место во групата и дуел со Хрватска во осминафиналето на Мундијалот во Катар.

Вакво нешто какво што направи Јапонија не се случило пола век на Светските првенства, а последен пат триумф со два пресврти имаше Германија на СП во Мексико во 1970 година, а претходно само уште Бразил пред Втората светска војна – на СП 1938.

Јапонија сега влегува во друштво на најголемите и најтрофејните селекции и овој Мундијал вечно ќе го паметат.