Флорентино Перез очигледно не се откажува од Килијан Мбапе. Работата околу Французинот е деликатна, особено што двата клуба Реал Мадрид и ПСЖ не се во добри односи поради последниот пат кога Мадрид се обиде да ја доведе француската суперѕвезда. Двајцата сопственици на споменатите клубови имаат сосема спротивни ставови за Европската Суперлига.
Реал продолжува да се поврзува со нови ѕвезди. Се споменуваа и Бруно Фернандеш, младиот Енцо Фернандез од Бенфика, Ришарлисон, а од неодамна и Рафаел Леао.
Леао е со португалската репрезентација во Катар, засега од Фернандо Сантош добива шанса само од клупата за резерви, но јасно е дека е ѕвезда во подем. Навивачите на Милан и поддржувачите на Серија А веќе добро ги знаат квалитетите на Португалецот, во шампионската сезона на Милан беше прогласен за најдобар играч во Калчото.
Договорот на Португалецот е до 2024 година, пропаднаа обидите на Милан да го продолжи договорот со својот играч пред СП во Катар. Во договорот Леао има откупна клаузула во висина од 150 милиони евра, а можеби Реал е клубот кој би ја активирал во претстојното лето.
