Огромна маса на луѓе излегоа низ улиците на Буенос Аирес за да го прослават големиот успех на аргентинските фудбалери кои по пауза од 36 години го освоија Светското првенство, меѓутоа прославата се претвори во невиден хаос.

Лионел Меси и неговите сонародници мораа да бидат пренесени во база со хеликоптер, а како што објави „Дејли Мејл“, има и загинати лица во прославата, додека петгодишно дете е во кома.

Аргентина во неделата ја освои третата светска круна, откако во финалето на пенали ја совлада Франција.

Репрезентацијата на Аргентина во вторникот рано наутро се врати во Буенос Аирес, откако ја совлада Франција во неделното финале на Светското првенство. Лионел Меси и неговите соиграчи среде ноќ беа пречекани од стотици илјади навивачи на улиците, а огромната прослава, која од неделата трае во Аргентина, продолжи во текот на вчерашниот ден кога неколку милиони Аргентинци излегоа на улиците.

https://twitter.com/ESPNUK/status/1605153032768995331?ref_src=twsrc%5Etfw%7Ctwcamp%5Etweetembed%7Ctwterm%5E1605153032768995331%7Ctwgr%5Ec4ca81e7020fb0dd52c82740f8efa46933faac93%7Ctwcon%5Es1_c10&ref_url=https%3A%2F%2Fmakfudbal.mk%2Fpo-proslavata-vo-buenos-aires-mrtvi-povredeni-edno-dete-vo-koma-video%2F

Играчите тргнаа со автобус низ градот кон претседателската палата, а на улиците на главниот град според некои проценки излегоа 5,5 милиони луѓе. Фановите ги заглавија сите главни патишта во градот, а фотографиите го обиколија светот.Навивачите се качуваа на канделабри, семафори и покриви на автобуски станици каде славеа, скокаа и пееја. За жал, за време на таа прослава, 24-годишник паднал низ стаклен покрив и набргу починал, а друг навивач починал откако знамето што го имал околу вратот му се заплеткало во тркалото на моторот и го задушило.

Петгодишно момче е во кома откако на главата му паднаа остатоци од споменикот на кој навивачите се качуваа, илјадници навивачи беа полесно или тешко повредени, а хулигани киднапираа полициски возила и со нив се движеа низ градот.