Српскиот тенисер Ѓоковиќ експресно се пласира во четвртфинале на АО, каде ќе оди на дуел со Рубљов.

Разиграниот Новак Ѓоковиќ, го победи Австралиецот Алекс де Минаур со 6-2, 6-1, 6-2 за малку повеќе од два часа игра.

Србинот сигурно маршира кон својата десетта титула во Мелбурн, а 22-ри гренслем-трофеј во кариерата.

Пресметката со Русинот Рубљов би требало да биде потежок испит за фаворитот отколку евентуалното полуфинале со еден од Американците Бен Шелтон или Томи Пол.

Ѓоковиќ на прес-конференцијата за новинарите истакна дека сè уште чувствува глад за победи.

Тој посочи дека сака да го освои Австралија опен и така да испише историја, а воедно и да се израмни со Рафаел Надал по број на гренслем-титули.