Секое кошаркарско „Ел Класико“ носи спектакл, а така беше и оваа вечер – во 21. коло од Евролигата, Реал по продолженија ја совлада Барселона со резултат 91:86.

Каталонците ја имаа третата врзана победа во свои раце во третото последователно „Ел Класико“, второ во низа во Мадрид, но „кралевите“ ги воскресна од мртвите прво Серхио Љуљ, а потоа и Џанан Муса.

Барса беше во водство во текот на целиот натпревар, додека Реал заостануваше и бркаше резултат.

Во средината на третата четвртина домашните беа во голема серија и стигнаа до 44:42, а по тајм-аутот на Шарунас Јасикевичус налетот го одби Никола Калиниќ.

Погоди две тројки во низа, за Барса да се врати на двоцифрена негатива и се чинеше дека таму ќе биде решен натпреварот.

https://twitter.com/EuroLeague/status/1618687004916457482?ref_src=twsrc%5Etfw%7Ctwcamp%5Etweetembed%7Ctwterm%5E1618687004916457482%7Ctwgr%5E54b92501a71e9889a6ae1483c12c26d592bb0de6%7Ctwcon%5Es1_c10&ref_url=https%3A%2F%2Fwww.b92.net%2Fsport%2Feuroleague%2Fvesti.php%3Fyyyy%3D2023mm%3D01dd%3D26nav_id%3D2280189

Сепак, во последната четвртина се разигра Серхио Љуљ и целосно го врати Реал во игра, но и ја запали салата.

На 21 секунда пред крајот имаше напад за победа, но Љуљ погреши во чекори и се отиде во продолжение.

Потоа го замени Џанан Муса, кој целосно распали, погоди два поени над Миротиќ, па тројка за 84:76 и тука беше решен натпреварот.

Иако Барса успеа да го направи крајот неизвесен со украдени топки, Љуљ од линијата за слободни фрлања го приведе натпреварот кон крајот.

https://twitter.com/EuroLeague/status/1618701204464476160?ref_src=twsrc%5Etfw%7Ctwcamp%5Etweetembed%7Ctwterm%5E1618701204464476160%7Ctwgr%5E54b92501a71e9889a6ae1483c12c26d592bb0de6%7Ctwcon%5Es1_c10&ref_url=https%3A%2F%2Fwww.b92.net%2Fsport%2Feuroleague%2Fvesti.php%3Fyyyy%3D2023mm%3D01dd%3D26nav_id%3D2280189

Габриел Дек беше најефикасен на средбата со 23 поени, Серхио Љул додаде 19, Џанан Муса 18, а Валтер Таварес 10.

Никола Миротиќ беше најдобар кај Барса со 17 поени, Томаш Саторански и Јан Весели постигнаа по 12, а Кори Хигинс 10 поени.

https://twitter.com/EuroLeague/status/1618704225537753089?ref_src=twsrc%5Etfw%7Ctwcamp%5Etweetembed%7Ctwterm%5E1618704225537753089%7Ctwgr%5E54b92501a71e9889a6ae1483c12c26d592bb0de6%7Ctwcon%5Es1_c10&ref_url=https%3A%2F%2Fwww.b92.net%2Fsport%2Feuroleague%2Fvesti.php%3Fyyyy%3D2023mm%3D01dd%3D26nav_id%3D2280189