ФИФА денес ги објави тројцата кандидати за наградата „Пушкаш“, која се доделува за најубав гол на годината, меѓу кои има и фудбалер со ампутирана нога.

Станува збор за Полјакот Марчин Олекси, кој е без една нога и кој настапува во првенство за хендикепирани лица, каде што постигна неверојатно атрактивен гол со ножички. Друштво ќе му прават Ришарлисон со акробатскиот гол против Србија на Мундијалот во Катар, како и Димитри Паје и неговата „ракета“ на мечот против ПАОК.

ФИФА наградите за најдобрите во 2022 година ќе ги додели на 27 февруари на посебна церемонија во Цирих.