Тунискиот фудбалски клуб АС Реџис објави дека резервниот голман на тимот Калил Зули емигрирал во Италија илегално преку море.
„Поради финансиската криза низ која минува клубот и тешките услови за живот, голманот Калил Заули илегално емигрирал во Италија“, објави клубот од источен Тунис на својата Фејсбук страница.
Заули има 19 години и е резервен голман на тимот кој е последен на табелата од првата лига на Тунис. Својот последен натпревар го одигра на 2 февруари.
Соопштението на клубот го пренесоа сите медиуми во Тунис, предизвика големо внимание во јавноста и се прошири низ социјалните мрежи.
На прашањето на Франс прес, портпаролот на клубот рече дека голманот успеал да стигне до италијанскиот брег во четвртокот.
Одредени делови од тунискиот брег се оддалечени помалку од 150 километри од италијанскиот остров Лампедуза, од каде мигрантите редовно се обидуваат да влезат во Италија.
Поради економската и политичката криза, Тунис бележи нагло зголемување на илегалната емиграција во последните месеци, а цели семејства и менаџери сакаат да заминат, а не само млади невработени луѓе.
Според официјалните податоци од Италија, повеќе од 32.000 мигранти, меѓу кои 18.000 Тунижани, пристигнале во Италија минатата година од Тунис. Повеќе од 38.700 мигранти беа пресретнати во близина на брегот на Тунис минатата година.
Туниската крајбрежна стража соопшти дека забележала зголемување на обидите за тајни премини оваа недела поради подобрувањето на временските услови.
