Фудбалерите на Барселона направија огромен чекор кон шампионската титула во Шпанија со синоќешната минимална, но злато вредна победа на гостувањето кај Атлетик Билбао (1-0). Но во 30. минута беа понижени од домашните навивачи како реакција на обвинувањата дека во минатото ги поткупувала судиите.

Шоуто почна во 30. минута, кога присутните на трибините на теренот фрлија испечатени банкноти и картони со грбот на Барселона, симболот на доларот и зборот мафија.

„Ниту Барселона, ниту Мадрид, само Атлетик“, скандираа навивачите на клубот од Билбао.

Од трибините се слушаа и повиците дека Каталонците треба да бидат исфрлени во Сегунда. Главна причина за сето ова е наводното мито на Барселона со судиската комисија и плаќањето на поранешниот член на судиската комисија Енрикез Негреира.