Фудбалерите на Наполи се на добар пат да го освојат скудетото оваа сезона, а еден од најдобрите играчи на теренот е грузискиот репрезентативец Квича Кварацхелија кој привлече голем интерес од многу европски гиганти.

Наполи не сака да ја продаде својата ѕвезда, но Аурелио Де Лаурентис би можел да се премисли ако пристигне примамлива понуда, а такво нешто најави францускиот медиум „10спорт“.

ПСЖ, наводно, планира да испрати понуда од 180 милиони евра до Наполи за Кварацхелија, кој оваа сезона постигна 13 голови и 15 асистенции.

Конкуренција на парижаните ќе им бидат Манчестер сити и Реал Мадрид, но засега не е познато колку пари се подготвени тие да понудат за потписот на Грузиецот.