Барселона и Реал Мадрид вечерва од 21 часот ќе имаат пресметка, во второто лигашко „Ел Класико“ што може да одлучи за титулата во Ла Лига. Барселона во пресрет на овој дуел има дури девет бода повеќе од најголемиот ривал и во случај на победа би отишла на огромни +12.   Но сепак и во случај на триумф на Реал Мадрид битката за шампионскиот наслов ќе биде отворена до самиот крај на сезоната.

Во првиот натпревар Реал победи со 3:1 и тоа беше единствената победа на „кралевите“ во трите досегашни пресметки со Каталонците, кои потоа победија во финалето на шпанскиот Суперкуп во Ријад со 3:1 и во првиот полуфинален натпревар од Купот на кралот на „Сантијаго Бернабеу“ со 1:0.

Двајцата тренери, Чави и Анчелоти денеска ќе можат да сметаат на речиси сите свои играчи, иако се некомплетни со Педри и Усман Дембеле кај Барса, односно Алаба кај Реал. Дополнителна тежина на ова „Ел Класико“ му даваат и случувањата со скандалот кој сериозно го тресе шпанскиот фудбал.

Иако ова му е веќе шесто, сепак за тренерот на Барселона Чави ова е само прво „Ел Класико“на „Камп Ноу“. Досега има биланс од три победи и два порази.

Последен пат Барса како домаќин славеше на 28 октомври 2018 година кога беше 5:1, оттогаш билансот е 0-2-2 во корист на Реал. На последните 10 дуели на „Камп Ноу“, Реал има двојно повеќе победи – четири, а Барселона само две.

Барселона: Тер Штеген, Араухо, Кунде, Кристенсен, Балде, Бускетс, Де Јонг, Педри, Гави, Рафиња, Левандовски.

Реал Мадрид: Куртоа, Карвахал, Милитао, Ридигер, Начо, Чуамени, Модриќ, Крос, Валверде, Винисиус, Бензема.