Арсенал е прв клуб во историјата на Премиер лигата кој во иста сезона извојувал девет победи против лондонски екипи. Попладнево на „Емирејтс“ падна Кристал Палас со 4-1 и тоа е деветта победа во десеттиот меч сезонава против лондонските тимови.
Габриел Мартинели го отвори резултатот во 22.минута, а Букајо Сака зголеми на 2-0 пред одморот.
Во второто полувреме, Гранит Џака постигна трет гол за Арсенал во 55.минута, а Шлуп успеа да намали на 3-1 во 63.минута.
Сака со својот втор гол стави точка на триумфот на Арсенал од 4-1 во 74.минута од натпреварот.
Топчиите имаат осум бодови предност пред Манчестер сити, со тоа што актуелниот првак има и еден меч помалку. Арсенал испадна од европските купови, па целосно се фокусира на домашното првенство.
Букајо Сака од Арсенал стана прв играч во Премиер лигата сезонава со двоцифрен број на голови и асистенции.
Кристал Палас и понатаму нема победа во 2023 година, и иако е 12-ти на табелата, загрозен му е опстанокот, бидејќи на 18-тиот Вест Хем му бега само три бода, а Чеканите имаат и два меча помалку.
