Казахстан, хитот во последниот циклус во Лигата на нации за да обезбедат бараж за Еуро 2024, денеска направија голема сензација откако успеаа да ја совладаат фаворизираната Данска. Домаќинот после два гола негатива на 17 минути пред крајот, успеа да направи епски пресврт за триумф со 3-2.
 Расмус Хојлунд постигна два гола за Данците за убедливи 2-0 во 21-та и 36-та минута, па изгледаше дека Данска лесно ќе триумфира во срцето на Азија и ќе ја запише втората победа во овие евроквалификации, но упорните и трпеливи Казахстанци направија чудо.

Бахтијор Зајнутдинов во 73-та минута од пенал погоди и ги врати надежите, а потоа во три минути во завршните четири од мечот  се случи целосен пресврт. Аскат Тагиберген во 86-та израмни со спектакуларна бомба која уште повеќе им даде енергија на Казахстанците, а Абат Ајмбетов минута пред регуларниот дел донесе предност и на крај победа.

Ајмбетов во судиското надополнување беше и исклучен, во петтата минута, но беше предоцна Данска да ја искористи бројчаната предност за да се избори барем за бод. Казахстан со победата, се извади за поразот со пресврт од Словенија во првото коло со 1-2, па сега на табелата, четири тима имаат по три бода, но С. Ирска и Словенија допрва ги чекаат вечерва мечевите со Финска односно Сан Марино.