Белградски Партизан, е апсолутен рекордер според гледаност во историјата на Евролигата со десет рекордни посети од десете најпосетени мечеви во историјата. Но против Панатинаикос се очекува да постави нов невиден рекод во најсилната кошаркарска лига каков што досега не се случил.

Црно белите на чии мечеви атмосферата е фантастична три меча по ред го уриваа сезонскиот рекорд со преку 20 илјади гледачи во „Штарк Арена“ . Рекордот годинава е 20.068 гледачи против Реал Мадрид, па им треба во дуелот со атински Панатинаикос повеќе од 17.715 гледачи за да го постават рекордот – 300.000 гледачи во една сезона.

Ваква бројка досега никој не достигнал во историјата, а на Партизан им е потребна посета која е скоро за три илјади помалку од сезонските рекорди. Бидејќи станува збор за натпревар на кој ќе се заверува плејофот, нема сомнение дека рекордот ќе биде урнат, а можеби и да биде нов рекорд на посета сезонава.

Просечната посета на белграѓани сезонава е 17.642 гледачи, а најмалку имаа против турскиот Анадолу Ефес – 13.776 гледачи со платен билет.