Жестока тепачка настана меѓу фудбалерите на Јувентус и на Интер непосредно по завршувањето на натпреварот од Купот на Италија (1-1).
Ромелу Лукаку израмни со гол од пенал во 95.минута, откако Бремер играше со рака во шеснаесетникот и го анулира голот на Хуан Квадрадо за Јувентус постигнат во 83.минута.
Лукаку доби црвен картон откако прослави бурно по голот, а тоа донесе и уште поголема нервоза по завршувањето на мечот.
Се случи жестока тепачка во која учествуваа повеќе фудбалери, а црвени картони добија Самир Хандановиќ од Интер и Хуан Квадрадо од Јувентус.
