Големото дерби меѓу Јувентус и Интер во првиот натпревар од полуфиналето на италијанскиот Куп го одбележа и тепачка меѓу фудбалерите на двете екипи позавршеток на дуелот, при што исклучени беа голманот на Интер, Самир Хандановиќ и Хуан Квадрадо од Јувентус.

Колумбиецот се обиде да го нокаутира голманот на Интер и тоа го снимила камерата, па сега на Квадрадо му се заканува голема суспензија.

Дисциплинската комисија отворила истрага поради инцидентот на теренот, а се шпекулира дека Квадрадо ќе биде суспендиран до крајот на сезоната.

Реваншот меѓу Интер и Јувентус се игра во Милано на „Џузепе Меаца“ на 26 април.