Норвешката гол машина Ерлинг Халанд испиша нов историски момент откако вчера против Баерн Минхен даде еден гол во триумфот со 3-0 во првиот натпревар од четвртфиналната фаза во ЛШ, па стигна до 45 гола досега сезонава во сите натпреварувања.

Досега не се случило фудбалер од англиската Премиерлига да дојде до 45 гола во една сезона, а на Халанд тоа му успеа. Со оглед дека има уште два месеци од актуелната натпреварувачка сезона, оваа бројка само ќе расте и норвешкото чудо од дете ќе постави неверојатен рекорд.

Халанд сезонава само во Премиерлигата има 30 гола и близу е да стане најдобриот стрелец во една премиерлигашка сезона, со оглед дека има уште девет натпревари за да даде најмалку пет гола и да ги надмине Енди Кол и Алан Ширер.