Екипата на Валенсија имаше многу шанси за победа, но на крајот остана со празни раце на „Месталја“, откако Севилја успеа да слави со 2-0 во 29. коло од шпанската Ла Лига.

Севилја ги казни промашувањата на домаќините со два гола во второто полувреме, а тие беа дело на Баде во 55. минута и Сусо во 75. минута.

Екипата од Андалузија со денешната победа се искачи на 12. место и има 35 бодови, додека Валенсија останува во опасната зона со 27 бода.