Кошаркарот на Филаделфија сиксерс, Џоел Ембид, ја доби битката со Никола Јокиќ, и утринава е прогласен за најкорисен играч во регуларниот дел од сезоната во НБА лигата.

Ембид кој првпат ја добива најпрестижната награда во НБА лигата, од вкупно 100 гласови за првото место, доби 75, и победи во гласањето пред Јокиќ кој доби 15 и третопласираниот Јанис Адетокумбо кој доби 12 гласови.

Ембид беше и најдобар стрелец во регуларниот дел од сезоната со просек од 33.1 поени по натпревар, а имаше и 10.2 скока и четири асистенции.

 

Јокиќ кој беше блиску трета година по ред да биде МВП на регуларниот дел од сезоната, сезонава ја заврши со просек од 24.5 поени, 11.8 скока и 9.8 асистенции по натревар и го предводеше својот Денвер нагетс до првото место во Западната конференција.

Адекумбо просечно постигнуваше по 31.1 поен и 11.8 скокови по натпревар во регуларниот дел од сезоната и го предводеше Милвоки бакс до најдобриот скор во лигата (58-24), но загуби во првото коло од плејофот од Мајами хит.