Актуелниот освојувач на Лигата на шампиони (ЛШ), Челси се измачи против Малме, но го сруши „бункерот“ на домаќините со еден гол (1-0), кој им беше доволен за три бода, додека Волфсбург го совлада Салцбург со 2-1.

„Сините“ на Томас Тухел беа надмоќни против Малме и уште во првото полувреме создадоа 14 шанси кон нивниот гол, но мрежата остана да мирува затоа што домашниот тим одлично се бранеше.

На почетокот на вториот дел Хаким Зијех ја затресе мрежата на Малме по одличната асистенција на Калум Хадсон-Одои, по што до крајот на мечот имаше уште неколку шанси, но Малме издржа да не прими гол.

Македонскиот интернационалец Ердал Ракип одигра 86 минути и се закани еднаш посериозно кон голот на Челси, но не успеа да ја погоди рамката од голот.