Српскиот тенисер Новак Ѓоковиќ стартуваше на АТП мастерсот во Рим со победа. Тој го совлада Аргентинецот, Ечевери со 2-0 во сетови, но добро се намачи во првиот.

Ѓоковиќ мечот го стартуваше со загубен сервис, но брзо успеа да го врати загубениот брејк и да израмни. До крајот двајцата тенисери ги добија своите сервиси, па сетот се решаваше во тајбрејк. Ечевери имаше водство од 3-0 на стартот од тајбрејкот, но Новак успеа да се врати од негативата и со 7-5 го доби тајбрејкот.

Во вториот сет Ѓоковиќ го крена нивото и со убедливи 6-2 победи за конечен триумф од 2-0 во сетови.

Во следното коло Ѓоковиќ ќе игра против Григор Димитров. Бугарскиот тенисер со 2-0 во сетови го доби мечот со Вавринка.